عايزة ارمي برا مني كل شئ يربطني بيك .. عايزة القي جوا مني روحي الي نسيتها فيك
عايزة ابطل كره جسمي لما تستتخني عينك .. والهدوم تكون مرايتي زوقي مش بسمه عيونك
عايزة اصحابي الخصوصي مش بشر عارفني بيك
**
الاغاني والامكان البرامج والجرايد حتي برضو شكل يومي عايزة اختارهم براحتي
عايزة ابطل اعيش براحتك وانت ثابت زي مانت عايزة ساعتي تدق ليا مش عشان انزل اقابلك
**
عايزة اروح كل الامكان وانت ماتكونش الدليل زهقت م ممنوع ولاء كرهت فيك دور الضمير
كرهت دخان السجاير وان اخاف اجرح مشاعرك كرهت تأجيل الخطاوي علمتني اكره كتير
**
ايوا دمك سار تقيييل لمستك صبحت روتين غربتي بتصحي ف حضنك وحدتي هي الونيس
لو هاموت هختار سنيني وبرضو الونها بأيدي واول الالوان قراري اني ابيعك ... واشترينييييي
0 التعليقات
إرسال تعليق